Institut 1964 yil iyun oyida sobiq Toshkent irrigatsiya va qishloq xo’jaligini mexanizatsiyalash injenerlari institutining Andijon filiali bazasida Andijon paxtachilik instituti nomi bilan tashkil etilgan bo’lib, o’tgan davr davomida asosan olim-agronomlar, muxandis–mexaniklar va muxandis-gidromelioratorlar tayyorlagan.
Respublikamiz mustaqillikka erishgach yurtimizda boshqa sohalar qatori qishloq xo’jaligini rivojlantirishga bo’lgan e’tiborni kuchaytirilishi munosabati bilan muhtaram Prezidentimiz Islom Abdug’aniyevich Karimovning 1992 yil 28 fevraldagi Farmoniga binoan mavjud institut bazasida Andijon qishloq xo’jalik instituti tashkil etilgan.
Institutda Agronomiya, Qishloq xo’jaligini mexanizatsiyalash, Iqtisodiyot va boshqaruv fakultetlari negizida 14 ta bakalavriat ta’lim yo’nalishlari bo’yicha mutaxassislar tayyorlanmoqda.
5410200 - Agronomiya (dexqonchilik maxsulotlari bo’yicha)
5410300 - O’simliklar ximoyasi va karantini
5410500 - Qishloq xo’jalik maxsulotlarini, saqlash va ularni dastlabki qayta ishlash texnologiyasi
5111000 - Kasb ta’limi (agronomiya)
5411000 - Meva-sabzavotchilik va uzumchilik
5410400 - Qishloq xo’jalik ekinlari selektsiyasi va urug’chiligi
5450200 - Suv xo’jaligi va melioratsiya
5850300 - Ekologiya va atrof muxit muxofazasi
5430100 - Qishloq xo’jaligini mexanizatsiyalashtirish
5140900 - Kasb ta’limi (qishloq xo’jaligini mexanizatsiyalashtirish)
5620600 - Zootexniya (tarmoqlar bo’yicha)
5230100 - Iqtisodiyot (qishloq xo’jaligi)
5230900 - Buxgalteriya xisobi va audit
5420100 - Fermer xo’jaligini boshqarish
2012-2013 o’quv yilidan boshlab 4 ta magistratura mutaxasisliklari bo’yicha 24 nafar magistrlar qabul qilinishi Davlat komissiyasi tomonidan tashkil etildi.
5A450201 - Gidromelioratsiya
5A430101 - Qishloq xo’jaligini mexanizatsiyalashtirish (tarmoqlar bo’yicha)
5A410202 - O’simlikshunoslik(ekinlar guruxi bo’yicha)
5A410301 - O’simliklar ximoyasi(usullar bo’yicha)
O’quv jarayonlarini tashkil etishda 13 ta kafedra mavjud bo’lib, Vazirlar Maxkamasining 2004 yil 3 sentyabrdagi 415-sonli qaroriga asosan tashkil etilgan boshqaruv tizimi bo’yicha faoliyat ko’rsatmoqda
Institutda hozir faoliyat ko’rsatayotgan «Agronomiya», «Qishloq xo’jaligini mexanizatsiyalash» va «Iqtisodiyot va boshqaruv» fakultetlarida 2307 nafar talaba bakalavriaturaning kunduzgi bo’limida o’qimoqdalar.
Talabalar mutaxassisliklar bo’yicha chuqur bilim zahiralariga ega bo’lishlari, shuningdek yuksak ma’naviy va ahloqiy talablarga javob bera oladigan yetuk kadrlar bo’lishi uchun xizmat qilayotgan jami 530 nafar xodimlarning 188 nafari professor-o’qituvchilar, 342 nafari texnik va ishchi xodimlardir. Professor-o’qituvchilarning 80 nafari (42,5 %) ilmiy daraja va unvonlarga ega bo’lib, ulardan 9 nafari fan doktori va professorlar, 80 nafari esa fan nomzodi va dotsentdirlar. Professor o’qituvchilarning o’rtacha yoshi 49,1.
O’zbekiston Respublikasi Oliy va o’rta maxsus ta’lim vazirligining «Oliy ta’lim yo’nalishlari va mutaxassisliklari bo’yicha takomillashtirilgan Davlat ta’lim standartlari va o’quv rejalarini tasdiqlash to’g’risida» gi 2011 yil 16 sentyabrdagi 387-sonli buyrug’iga asosan (1,2 bosqich ta’lim yo’nalishlari uchun), 2008 yil 24 iyundagi 191-sonli buyrug’iga binoan (3,4-bosqich ta’lim yo’nalishlari uchun) tasdiqlangan Davlat ta’lim standartlari va o’quv rejalari asosida tayanch oliy o’quv yurtlari tomonidan ishlab chiqilib tasdiklangan namunaviy fan dasturlari bo’yicha amalga oshirilmoqda.
2011-2012 o’quv yilida institutni 12 ta ta’lim yo’nalishi bo’yicha 363 nafar talaba muvoffaqqiyatli tamomlab, bakalavr diplomlarini olishga muvaffaq bo’ldilar.
Institutda faoliyat ko’rsatayotgan professor - o’qituvchilarni sifat ko’rsatkichlarini yaxshilash borasidagi ishlarni amalga oshirish bilan, ilmiy daraja va unvon olish uchun xarakat qilayotgan, darslik va o’quv qo’llanmalar tayyorlayotgan o’qituvchilarni moddiy va ma’naviy jixatdan qo’llab quvvatlash ishlari izchillik bilan davom ettirilmoqda.
