AndQXI

Qisqacha mazmuni: G’o’za ekilgan dalalardagi zararkunandalarga qarshi kurashish uchun qo’llaniladigan trixogrammning urug’larini mini aviatsion texnika qo’llanilgan qurilma yordamida bir tekis tarqatilganda mehnat unumdorligi 40-45% oshadi. Qurilma yordamida trixogramma urug’ini tarqatish asosan havodan turib bajarilganligi tuproqni zichlanishdan saqlaydi, qo’l mehnatini kamaytiradi, g’o’za zararlanishi oldini olish xisobiga paxta xosildorligi gektariga 5-6 tsentnerga ortadi.

Kutilayotgan natijalar: YAngi innovatsion texnologiya asosida ishlovchi qurilmani qo’llash natijasida g’o’za va boshqa ekinlarga qarshi kurashish vositasi trixogrammani urug’larini dala maydonlariga bir xil tarqatishning samaradorligi evaziga yuqori va sifatli paxta xosili olinadi.

Qo’llanish soxalari: Paxtachilikka ixtisoslashgan fermer xo’jaliklarda joriy etilishi ko’zda tutilgan.

IMO xuquqiy ximoyalanish darajasi: Trixogramma tuxumlarini paxta maydonlariga mini aviatsiya yordamida bir tekis tarqatish qurilmasiga patent olish uchun xujjatlar tayyorlanmoqda.

Tayyorlik darajasi: YAngi innovatsion qurilma tayyor uni paxtachilikda keng joriy etish uchun tajriba sinovlardan o’tkazilmoqda.

Amalga oshirish bo’yicha takliflar: Qurilmani keng miqyosda ishlab chiqarishni joriy etish.

Xuquqlarni berish shakli: Litsenziya shartnomasi.

Hamkorlik bo’yicha takliflar: Fermer xo’jaliklari bilan hamkorlikda ishlar olib borishdan iborat.

Qo’shimcha moliyalashtirishga extiyoj: 100 mln so’m, jumladan quvvatli mini vertolyotlarni yasash yoki xarid qilish uchun 80 mln so’m, konstruktorlik xujjatlari ishlab chiqishga 6 mln so’m, eksperimental namunalar tayyorlashga 4 mln. so’m, qo’llash uslubnomasini ishlab chiqish 2 mln. so’m, O’zstandart texnik shartlari ro’yxatiga olish 1.9 mln. so’m, qurilmani sinovdan o’tkazish, ishlab chiqarishda keng qo’llash uchun 6.1 mln. so’m.

2013 yil 20 aprel kuni institutning katta majlislar zalida fakultetlararo “Quvnoqlar va zukkolar” ko’rik tanlovi o’tkazildi. Ushbu tadbirda institutning Agronomiya fakultetining “Top-10”, Iqtisodiyot va boshqaruv fakultetining “Ulfatlar”, Qishloq xo’jaligini mexanizatsiyalash fakultetining “Sardorlar” va institut terma jamoasi ishtirok etdilar. 


Tadbirda nizom talablariga asosan, talabalar hayotida uchraydigan hazillarini  saxna ko’rinishlari orqali namoyish etdilar. Ushbu shartlar bo’yicha jamoalarni chiqishlarini baholash uchun xakamlar hay’ati a’zolari tomonidan odilona baholanib, Agronomiya fakultetining “Top-10” va Iqtisodiyot va boshqaruv fakultetining “Ulfatlar” jamoalari g’oliblikni   qo’lga kiritdilar hamda institut terma jamoasi viloyat bosqichiga yo’llanma oldilar.
 

2013 yil 23 aprel kuni Andijon shaxridagi “Kamolot” yoshlar bog’ida institutlar o’rtasida “Quvnoqlar va zukkolar” ko’rik tanlovi bo’lib o’tdi. Ko’rik tanlovda institutning “Sardorlar”, Andijon davlat universitetining “Universal”, Andijon mashinasozlik institutining “Orginal” va Andijon davlat tibbiyot institutining “Avisenna” jamoalari 4 ta shart bo’yicha bellashdilar va institutning “Sardorlar” jamoasi faxrli 1-o’rinni qo’lga kiritishga muyassar bo’ldi.

 
 

“Mustaxkam oila yili”ning mantiqiy davomi sifatida Prezidentimiz tomonidan “Obod turmush yili” deb e’lon qilingan 2013 yilda ham yoshlarni oilaga tayyorlash, oila va nikoh, onalik va bolalikni himoya qilish mavzusidagi ma’naviy-ma’rifiy tadbirlar institutda tizimli ravishda o’tkazilib borilmoqda.

“Obod turmush yili” Davlat dasturida belgilangan chora-tadbirlar ijrosini ta’minlash, talabalarning O’zbekiston Respublikasi Oila kodeksi, Prezidentimiz tomonidan bu borada qabul qilingan Qaror va Farmonlardan qay darajada xabardor ekanligi, ayni yo’nalishdagi bilimlarini sinovdan o’tkazish hamda yoshlarni oilaga tayyorlash maqsadida Andijon qishloq xo’jalik institutida 2013 yil 5 aprel kuni fakultetlararo “Baxtli oila sari” deb nomlangan ko’rik-tanlov o’tkazildi.

Ko’rik-tanlovda Agronomiya fakultetining “Farovon”, Qishloq xo’jaligini mexanizatsiyalash fakultetining “Ibratli oila”, Iqtisodiyot va boshqaruv fakultetining “Barkamol avlod” jamoalari o’zaro belgilangan Nizom shartlari asosida bellashdilar va sahna ko’rinishlarida xalqimizga xos qadriyatlar, o’zbek oilasidagi urf-odat va an’analar aks ettirilib, mehr-oqibat tushunchasi ulug’landi. Aytish mumkinki, ko’rik-tanlov baxtli oila sari intilayotgan yoshlar qalbida katta taasurot qoldirdi.

Tadbir nihoyasida jamoalar faxriy yorliq hamda esdalik sovg’alari bilan taqdirlandilar.

Andijon qishloq xo’jalik instituti professor-o’qituvchilari A.Vaxobov, L.Tirkashev va boshqalar tomonidan koliforniya chuvalchangini qishloq xo’jaligidagi axamiyati borasida olib borgan ilmiy-tadqiqot ishi bo’yicha Tuproq tabibi nomli o’quv uslubiy qollanmasi chop etildi va quyidagilar ilmiy asoslandi:

- koliforniya chuvalchangidan olingan biogumus tuproq unumdorligini jiddiy oshiradi;

- qishloq xo’jalik ekinlari xosildorligini 5-10% ga oshiradi;

- sabzavot va poliz ekinlari tarkibidagi nitrat miqdorini sanitariya me’yoridan oshirmaydi;

- issiq xonada yetishtirilgan pomidor xosildorligini 25% ga oshiradi;

- parandachilikda tovuqlarni tuxum berish maxsuldorligini 10% ga oshiradi. 

- koliforniya chuvalchangidan tayyorlangan tabletka chorva xayvonlarining kunlik ratsioniga qo’shib berilsa ularning maxsuldorligini 12% ga oshiradi.

Andijon qishloq xo'jalik institutida 2013 yilning 15-16 may kunlari “Agrosanoat kompleksi iqtisodiyoti” mutaxassislik fanlaridan Respublika fan olimpiadasining II-bosqichi o’tkazildi.


Fan olimpiadasida Respublikamizning 10 ta oliy ta’lim muassasalari: Samarqand qishloq xo’jalik instituti, Alisher Navoiy nomidagi Samarqand Davlat Universiteti, Toshkent Davlat agrar universiteti, Samarqand iqtisodiyot va servis instituti, Qarshi muxandislik-iqtisodiyot instituti, Guliston davlat universiteti, O’zbekiston Milliy universiteti, Toshkent irrigatsiya va melioratsiya instituti, Toshkent islom universiteti Andijon qishloq xo’jalik instituti faol ishtirok etdi. Tanlov shartlariga 4 turdan iborat bo’lib, 1 shart test sinovlari asosida bilmilarni sinash, yozma, masala va misollar yochish, og’zaki savol javoblardan iborat bo’ldi.


Olimpiada natijalariga ko’ra 351 ball to’plagan holda I-o’rinni Andijon qishloq xo’jalik institutining “Iqtisodiyot va boshqaruv” fakulteti, “Fermer xo’jaligini boshqarish” ta’lim yo’nalishi, IV-bosqich talabasi Abduvaitov Urol Abdimurod o’g’li, II-o’rinni Samarqand qishloq xo’jalik institutining “Iqtisodiyot va boshqaruv” fakulteti, “Iqtisodiyot” ta’lim yo’nalishi, IV-bosqich talabasi Kobilov Anvar Mirmuminovich va III-o’rinni Toshkent Davlat agrar universiteti, “Iqtisodiyot” fakulteti, “Agroiqtisodiyot” ta’lim yo’nalishi, IV-bosqich talabasi Turdiyeva Maftuna Nurdinovnalar egalladi.

 

Olimpiada g’oliblari diplomlar va esdalik sovg’alar bilan taqdirlandi. Faol qatnashchilar ham tashkilotchilar tomonidan faxriy yorliq va va esdalik sovg’alar bilan taqdirlandi.

 

Azizbek Xojimatov