AndQXI

Professor T.Topvoldiyev  tomonidan Abu jahl tarvuzini biologiyasi va tarkibi o’rganildi. Tarvuz bizni sharoitda yaxshi o’sadi va 30-45 % o’simlik gullaydi va meva beradi. Mevasining tarkibida 10-11 % organik quruq modda bo’lib, ular ichidan 8-9 % shakar moddasi va 1-1,5 % glyukozidlar bo’lishi aniqlanadi. Tarvuz sharbatidan  diabet kasalligida  glyukoza  miqdorini samarali kamaytiruvchi chora sifatida qo’llash mumkin.

 Tabiiy Abujaxl tarvuzi 

 T.Topvoldiyev tomonidan yaratilgan Abu jaxl tarvuzi 

 

2012 yil kuni 15 noyabrda 17 noyabr - Butunjahon talabalar kuni munosabati bilan institutning katta majlislar zalida “Talaba yoshlar festivali” bo’lib o’tdi.


 

“Talaba yoshlar festivali”da barcha professor-o’qituvchilari va talabalari ishtirok etdilar. Tadbirda Andijon viloyati prokurorining birinchi  o’rinbosari SH.R.Matiyev, viloyat prokuraturasining bo’lim boshliqlari D.Mamajonov, B.Ahmadaliyev, Andijon tumani prokurori R.Abdullaev qatnashib talaba yoshlarni bayram bilan tabrikladilar. Bayram munosabati bilan o’qishda va mehnatda faol ishtirok etgan iqtidorli talabalar hamda professor-o’qituvchilar  viloyat prokuraturasi va institut ma’muriyatining  esdalik sovg’alari bilan taqdirlandilar.

Festivalda talaba-yoshlar uchun viloyatning taniqli san’atkorlaridan SHuhrat Hakimov, “O’zbeknavo” estrada birlashmasi viloyat bo’limining bir guruh yosh xonandalari tomonidan katta kontsert dasturi namoyish etildi.

Tadbir barchada bayramona ko’tarinki kayfiyat uyg’otdi 

Yunusov Saddambek Shavkatbek o’g’li 2009 yili Andijon qishloq xo’jalik instituti “Agronomiya” fakulteti “Qishloq xo’jalik maxsulotlarini yetishtirish, saqlash va dastlabki qayta ishlash texnologiyasi” ta’lim yo’nalishiga to’lov shartnoma asosida o’qishga qabul qilindi. Institutda o’qish jarayonida  Yunusov Saddambek  fanlarni a’lo baxolarga o’zlashtirib, mustaqil tadqiqotlar olib borishi bo’yicha layoqatli talaba sifatida tanildi.

Uning qiziqish ko’lami juda keng. U “Agronomiya” fakulteti “O’simlikshunoslik” kafedrasi dotsenti, xozirda “Agronomiya” fakulteti dekani, q/x.f.n. dotsent Z.Bo’stonov  rahbarligida “Salat o’simligi ko’chat qalinligini xosildorlikka ta’siri” mavzusidagi ilmiy ishini bajarib kelmoqda.


      Yunusov Saddambek  Respublika va institut miqyosidagi ilmiy to’plamlarda 30 dan ziyod ilmiy maqolalar e’lon qilish bilan birga ko’pgina respublika va mintaqaviy ilmiy-nazariy va amaliy anjumanlarda ishtirok etdi. U institutning rejali ishlarini bajarishda va jamoat ishlarida faol ishtirok etadi. Jumladan, institut tomonidan tashkil qilingan ko’rik-tanlovlar va tadbirlarning hamda sport musobaqalarining faol ishtirokchisi hisoblanadi.

Talabalar va o’z ustozlari orasida alohida xurmatga ega.U o’qishda va jamoat ishlarida faol qatnashib qolmay, balki viloyat, respublika va xalqaro musobaqalarda  respublika terma jamoasi tarkibida  sportning boks turi bo’yicha muvoffaqiyatlarga  erishib kelmoqda. U 2010 yil sportda  erishgan  muvoffaqiyatlari hisobga olinib boks bo’yicha sport ustaligiga nomzod talabini bajardi.

 Yunusov Saddambek doimiy ravishda o’z malakasini, siyosiy, iqtisodiy va ilmiy-nazariy saviyasini oshirish ustida qat’iyat va sabr-toqat  bilan ishlaydi. U talaba sifatida o’quv mashg’ulotlariga jiddiy yondoshadi va ularni qunt bilan o’rganishga xarakat qiladi.

         U har ishda tashabbuskor, jur’atli, to’g’ri so’z, ma’nan yetuk, o’z hamkasblariga nisbatan doimo mexribon va g’amxo’r.

Xozirgi kunda Yunusov Saddambekning erishgan yutuqlari yanada ortib bormoqda. 2012 yilda O’zbekiston Respublikasi “Kamolot” yoshlar ijtimoiy xarakati tomonidan tashkil etilgan tanlovda ishtirok etdi va “Kamolot” granti sovrindori bo’ldi.

Uning ilmiy va amaliy izlanishlarini hisobga olgan holda shu yili institut tomonidan o’tkazilgan “Beruniy” nomidagi Davlat stipendiyasiga nomzodi tavsiya etildi. Yunusov Saddambek Shavkatbek o’g’li 2012 yil  O’zbekiston Respublikasi “Beruniy” nomidagi Davlat stipendiyasi sovrindori bo’ldi.

2012 yil 14 noyabr kuni “O’simlikshunoslik” kafedrasi professor-o’qituvchilari Isroil Davlat Tashqi ishlar vazirligi “MASHAV” xalqaro xamkorlik markazi bilan “Sabzavotchilik” mavzularida o’quv seminari o’tkazdi. Seminarda “Meva-sabzavotchilik va uzumchilik”  va “Qishloq xo’jaligi mahsulotlarini saqlash va dastlabki qayta ishlash texnologiyasi” yo’nalishi talabalariga Isroil davlatidan tashrif buyurgan Rafael Kriyger ma’ruza qildi.

Ma’ruzada Isroil davlati fermer xo’jaliklarida qishloq xo’jalik maxsulotlarini yetishtirish va qayta ishlash texnologiyalari bo’yicha olib borilayotgan yangi texnologiyalar xaqida ma’lumotlar berildi. Seminar yakunida “MASHAV” xalqaro xamkorlik markazi tomonidan tayyorlangan tarqatma materiallar professor o’qituvchilar va talabalarga tarqatildi. 

 «Qishloq xo’jaligini mexanizatsiyalash» fakulteti

 
 

  

“Qishloq xo’jaligini mexanizatsiyalash” fakulteti Toshkent irrigatsiya va qishloq xo’jaligini mexanizatsiyalash injenerlar instituti (TIKXMII) filiali sifatida 1960 yildan faoliyat ko’rsata boshlagan. 1964 yilda fakultet negizida Andijon paxtachilik instituti tashkil topgan hamda shu yildan boshlab «Gidromelioratsiya» fakulteti tashkil etildi.

 

1997 yil sentyabr oyida alohida faoliyat ko’rsatib kelgan “Qishloq xo’jaligini mexanizatsiyalash” va “Gidromelioratsiya” fakultetlari birlashtirilib «Agroinjeneriya», 2004 yil 3-sentyabridan O’zbekiston Respublikasi Vazirlar Maxkamasining №415 qarorining 4-ilovasiga binoan «Qishloq xo’jaligini mexanizatsiyalash» fakulteti nomi berildi.

 

Fakultet jamoasi sa’i xarakatlari bilan kafedralarning talabalarga o’z mutaxassisliklarini puxta egallashlari uchun zarur bo’lgan o’quv-laboratoriya jihozlari bilan ta’minlanishi yaxshilandi, o’quv-uslubiy, ilmiy-tadqiqot va ma’naviy-ma’rifiy ishlar ko’lami kengayib, samaradorligi ortib bordi.

 

Fakultetni bitirgan mutaxassislar qishloq xo’jaligi va suv xo’jaligining turli sohalarida, shuningdek turli tashkilotlarda yetakchi va raxbar xodim lavozimlarida xizmat qilmoqdalar. Ular qatorida rivojlanayotgan davlatlar ob’ektlarida ishlagan va ishlayotgan sobiq talabalarimiz bor. 

 

Ayni paytda fakultetda 5 ta ta’lim yo’nalishlari bo’yicha bakalavrlar va 3 ta mutaxassislik bo’yicha magistrlar tayyorlanmoqda.

 

 

 

2003-2004 o’quv yilidan boshlab 2009 yilgacha institutda magistratura ochilib, fakultetda 3 ta, 5A540702-«Dexqonchilikni mexanizatsiyalashtirish», 5A540706-«Qishloq xo’jalik texnikalaridan foydalanish, ularni tiklash va ta’mirlash» va 5A540801-«Gidromelioratsiya» mutaxassisliklari bo’yicha magistrlar tayyorlash yo’lga qo’yilgandi. 2012-2013 o’quv yili uchun 5A430101 - «Qishloq xo’jaligini mexanizatsiyalashtirish» (tarmoqlar bo’yicha) va 5A450201 - «Gidromelioratsiya» mutaxassisliklari bo’yicha magistrlar tayyorlash yo’lga qo’yildi.

 

Vazirlar Maxkamasining 2004 yil 3-sentyabridagi №415 qarorining 4-ilovasiga binoan sobiq 8 ta kafedralar qo’shilib, fakultet tarkibida quyidagi 3 ta kafedralar faoliyat ko’rsatmoqda: 

1.  «Qishloq xo’jalik texnikalari, foydalanish va ta’mirlash»

2. «Umumiy texnika fanlari va xayot faoliyati xavfsizligi»

3. «Melioratsiya va gidrotexnika inshootlari»

 

 

2012 yil fevral oyidan boshlab fakultet jamoasiga texnika fanlari nomzodi, dotsent A.K.Xamrakulov rahbarlik qilmoqda. Dekanatda dekan muovinlari katta o’qituvchi R.Qodirov va M.Halilovlar faoliyat ko’rsatmoqda. 

 

   


   

Fakultet tarkibidagi kafedralarda 66 nafar professor-o’qituvchilar talabalarga bilim va tarbiya bermoqdalar. Ularning 3 (4,6 %) nafari fan doktori, professor, 30 (45,5 %) nafari fan nomzodlari va dotsentlardir. Umumiy fakultet bo’yicha ilmiy salohiyat 50 %ni tashkil etadi.

  

Hozirgi kunda tayyorlanayotgan mutaxassislar haqida ma’lumot

 

Bakalavriat ta’lim yo’nalishlari 

5430100 - «Qishloq xo’jaligini mexanizatsiyalash» 

5140900 - «Kasb ta’limi» (Qishloq xo’jaligini mexanizatsiyalash) 

5450200 - «Suv xo’jaligi va melioratsiya» 

5620600 - «Zootexniya» (tarmoqlar bo’yicha) 

5850300 - «Ekologiya va atrof muhit muhofazasi» (suv xo’jaligi)

 

Magistratura mutaxassisliklari 

 

5A430101 - «Qishloq xo’jaligini mexanizatsiyalashtirish» (tarmoqlar bo’yicha) 

5A450201 - «Gidromelioratsiya»

 

 

 

Fakultet talabalari kontingenti haqida ma’lumot

 

 

 

Bakalavriat ta’lim yo’nalishlari 

(2012 yil avgust oyi)

  

 

 

Magistratura mutaxassisliklari

 

 

 




   

 

 

 

2011-2012 o’quv yilida fakulteteda 5 ta ta’lim yo’nalishi bo’yicha 165 ta talaba bitiruv malakaviy ishlarini muvofaqiyatli ximoya qildilar

 

    

 

Bitiruv malakaviy ishlarning barchasi kompyuterlarda tayyorlanib taqdimot usulida o’tkazildi.